PROIEKTUAREN LEHENENGO PINTZELKADAK!

Hemen gaude berriro!

Kaixo denei!

Aste honetako jarduera: Proiektuaren lehenengo urratsak!

Ikastola berri batean hasi naiz aurten, Txingudi Ikastolan hain zuzen. MAKRO-IKASTOLA da!! 1000 ikasle baino gehiago ditugu eta 70 bat gara klaustroan. Beraz, oso ikastola haundia da! Oraindik ere, gauza aunitz deskubritzen ari naiz. Eta imajinatzen duzuenez, IKT baliabideak zenbatekoak diren eta zein proiektu dauden martxan ez dut gehiegi ezagutzen. Dena den, IKT arduradunarekin bildu naiz, baita ikastolako zuzendari eta ikasketa buruarekin ere informazioa biltzeko asmotan. 

Nire proiektuko lehenengo urrats horietan aipatu bezala, bertako irakaslegoaren portzentai oso altu bat behin-betikoa da eta gehienak 40 urtetik gorakoak dira. Normalean, teknologia berriak pertsona gazteekin lotzen ditugu, era digital horretan jaiotakoak baikara. Eta nik hori hemen nabaritu dut. Irakasleen gehiengoak ez du informatika ezagutza gehiegirik. Batzuk alergikoak direla dirudi! jejeje! 

IKT programa bat martxan jarri ahal izateko beraz, irakasleek oinarrizko maila bat izatea beharrezkoa da. Eta kasu gehienetan, ikasleek irakasleek baino gehiago ezagutzen dituzte ordenagailuetako "txoko" eta "trikimailu" guztiak. Beraz, zaila izango da ikasleen gaitasun digitala areagotzea irakasleen ezjakintasunetik abiatuz. 

Ondorioz, irakasleak bihurtuko gara orain ikasle! Martxan hasi beharko dugu eta konzienziatzen hasi!! Era digitalera egokitu beharko gara gure ikasleak baliabide berri honen bidez edo laguntzarekin hezi ahal izateko! 

TALDEKIDEEKIN LEHENENGO KONTAKTUA!

Kaixo denei,

Aste honetan, lehenengo talde-lana egitea egokitu zaigu. Nire taldekideak ezagutu ditut, birtualki, hori bai. Bertze behin aipatu nuen bezala, ez nuen aukerarik izan lehenengo saio presentzialera joateko eta beraz, ez ditut pertsonalki ezagutzen. Baina izanen dugu aukera!
Beraiengandik inpresio ona jaso dut, izan ere, lan ona egin dugula uste dut eta ni baino jantziagoak daudela gai honetan.
Hementxe eransten dizkizuet gure lana ikusi ahal izateko estekak.

Idazlana: https://docs.google.com/file/d/0B_onQ4d6v5rgdTM3S1lkYVhNWFE/edit

Power point aurkezpena: https://docs.google.com/file/d/0B_onQ4d6v5rgckxlb3NsX1I5SHM/edit

Ea zer iruditzen zaizuen!

Aio!

LEHENENGO JARDUERA: 1.1

Kaixo!

Lehenengo jarduera eginda jada! Arrankatu dugu!

Orain dela bi hilabete bukatu nuen "IKTen dinamizazioa ikastetxeetan: 1.go maila" ikastaroa (gaztelerazko taldean). Beraz, han ikasitakoa nahiko "frexko" daukat oraindik. Lehenengo ariketa hau egiteko, bertan ikasitakoaz baliatu naiz eta erraza izan denik ez dut erranen, baina hastea hainbertze ez zaidala kostatu aitortuko dut. Dena den, ez dut denbora gehiegirik izan eta hasiera batean prezi erabili nahi nuen nire aurkezpena egiteko, ez dudalako gehiegi kontrolatzen baliabide hau eta ikasi nahi nuelako. Baina erran bezala, denboraz exkax ibili naiz eta beraz, power point batekin konformatu beharko azkenian. Prezi aurrerago erabiliko dut.

Hementxe nere aurkezpena:

http://es.slideshare.net/EstitxuPinatxo/garatu-ikt-2-11-jarduera

Egun ona izan!

3, 2, 1... MARTXAN!

Kaixo denei!

Gaur arte ez dut tarterik topatu blogean zenbait kontu argitaratzeko.

Ikastaroarekin hasi naiz jada. Lehendabiziko egunean, plataforman sartu, pixko bat kurioseatu eta eman beharreko lehenengo pausuak burutu nituen: nere profila eguneratu, nere burua aurkeztu, blog hau sortu,... Ezin izan nuen lehenengo saio presentzialean egon. Dena den, on-line bidezko hiruzpalau garatu ikastaro egin ditut eta funtzionamendua eta moodle plataformaren mekanismoa gutxi gora behera ezagutzen ditut. Dena den, pentsatzen dut bilera horretan ikastaroko programa azaldu zela eta askoz gauza gehiago. Baina ezin izan nintzen joan eta poliki-poliki joango naiz ikusten. Bestalde, ez dut ikastaroko kiderik ezagutzen ezta nere taldekiderik ere. Eta haiekin lan egin behar badut, aukeran hobeto ezagutu izan banitu behintzat aurpegia jarri ahal izateko bakoitzari, jeje! Baina bueno, bigarrengo saioan izanen dugu aukera.

Bertzerik gabe, 3, 2, 1... MARTXAN!